Algúns pensan que as obras de Diego Ortiz son máis pedagóxicas que artísticas. Para min, parafraseando a Kodály, son como moedas de ouro, pequenas pero de inmenso valor.
Ernst Stolz puxo en YouTube varios vídeos seus tocando a viola da gamba e outros instrumentos. Seleccionei hoxe este, onde toca a Recercada primera sobre “O felici occhi miei”. Thank you, Ernst…
Unha das obras para órgano máis coñecidas é a Toccata e Fuga en “re menor”, BWV 565. A min encántame, como case todo o de Bach. Para segui-las voces pódense usa-las partituras en PDF extraídas (de edicións no dominio público) polo International Music Score Library Project. Enlazo o índice das obras de Johann Sebastian Bach no IMSLP.
En YouTube encontrei varias versións e recomendo a de Aarnoud de Groen:
Pero tamén hai outras:
Impresionante…
Nota: varios vídeos que incluín neste blog, entre eles gravacións históricas de ópera, xa non están en YouTube. Se a causa foi algunha denuncia, opino que é un abuso claro do copyright. Pero, por desgracia para os melómanos e para a difusión da cultura, YouTube é un negocio e son libres para quitalos do seu servizo haxa denuncias ou non…
Para saber máis sobre min, podes visita-la páxina persoal de César Salgado García (que son eu). Este blog empeceino a finais do 2006 para un grupo de alumnos (eran “cuarto B”, de aí o nome que tivo nun principio), pero o proxecto non callou e acabou sendo o meu blog persoal. Recomendo usa-lo navegador Mozilla Firefox. Se queres escribirme, este é o meu e-mail: cesarsalgado@yahoo.com. Este son eu no 1997:
E esta é unha petición para un dominio galego (se os cataláns o conseguiron, nós tamén podemos):
