Os traballos dos programadores non rematan xamais, sobre todo neste mundo do software libre e gratuíto. Sempre aparecen novos bugs e hai que poñerlles patches e facer tests para conseguir novas versións dos programas… per aspera ad astra.
Mozilla Thunderbird 2.0.0.5 é un cliente de correo coa garantía da comunidade de programadores de Mozilla, escollan sistema operativo e lingua.
Para os que queiran todo xunto, navegador e xestor de correo (non exactamente pero algo así como Firefox e Thunderbird nun so programa), está o proxecto SeaMonkey, que xa vai pola versión 1.1.3, tamén coa garantía Mozilla.
