Carlos Cabanillas: bitácora e cultura clásica

Carlos Cabanillas, profesor de Latín no IES “Santiago Apóstol” de Almendralejo, merece polo menos unha anotación, visto o seu incansable traballo divulgativo e a súa aposta pola colaboración en internet. Como el di, supoño que citando o Miles Gloriosus de Plauto, nemo solus satis sapit…

Chamoume a atención o subtítulo do seu blog “Bitácora de Carlos Cabanillas: Cultura Clásica y otras nimiedades”. Coñecendo o seu traballo no Proyecto GRAMMATICVS, desconfiei de que “nimio” non tivese algo máis que un sentido irónico, e pregunteille ó Diccionario da RAE, que respondeu isto:

nimio, mia.

(Del lat. nimĭus, excesivo, abundante, sentido que se mantiene en español; pero fue también mal interpretada la palabra, y recibió acepciones de significado contrario).

1. adj. Dicho generalmente de algo no material: Insignificante, sin importancia.

2. adj. Dicho generalmente de algo no material: Excesivo, exagerado.

3. adj. Prolijo, minucioso, escrupuloso.

Certamente a cultura clásica é un patrimonio inmaterial, e creo que nas páxinas de Extremadura Clásica encontraremos máis traballos “escrupulosos” (léase “feitos con coidado”) que “insignificantes”.

Gracias por compartir cultura.