Banchieri: “Contraponto bestiale alla mente”
Hoxe traio un vídeo cun pequeno fragmento de Adriano Banchieri (1568-1634): “Contraponto bestiale alla mente” (nalgunhas fontes “Contrapunto…”), que forma parte da obra do 1608 Festino nella sera del Giovedi Grasso avanti cena.
A obra ridiculiza nalgúns momentos (todo se permite no Antroido…) o estilo musical antigo, a prima prattica de templos e cortes, que está a ser substituído pola seconda prattica dos teatros, nunha evolución que comporta cambios de linguaxe musical evidentes, pero tamén cambios de cultura en sentido amplo, cambios na economía e nas clases sociais…
Varios animais fan un “contrapunto” sobre un baixo que recita unha serie de paremias, ás que puxeron unha música incoherentemente solemne. Nun latín “macarrónico” di algo así como “Non te fíes dun chepudo nin dun coxo; se un virollo é bo, escríbeo nos anais”.
Hai partituras desta peza na CPDL (Choral Public Domain Library) e partituras desta peza no WIMA (Werner Icking Music Archive).
Non hai comentarios »
Aínda non hai comentarios.
Deixa un comentario
About (presentación)
Nota: varios vídeos que incluín neste blog, entre eles gravacións históricas de ópera, xa non están en YouTube. Se a causa foi algunha denuncia, opino que é un abuso claro do copyright. Pero, por desgracia para os melómanos e para a difusión da cultura, YouTube é un negocio e son libres para quitalos do seu servizo haxa denuncias ou non…
Para saber máis sobre min, podes visita-la páxina persoal de César Salgado García (que son eu). Este blog empeceino a finais do 2006 para un grupo de alumnos (eran “cuarto B”, de aí o nome que tivo nun principio), pero o proxecto non callou e acabou sendo o meu blog persoal. Recomendo usa-lo navegador Mozilla Firefox. Se queres escribirme, este é o meu e-mail: cesarsalgado@yahoo.com. Este son eu no 1997:
E esta é unha petición para un dominio galego (se os cataláns o conseguiron, nós tamén podemos):
