Transmito dúas noticias que chegaron esta semana falando sobre a aplicación da pena de morte no Estado de Texas.
A primeira di que xa son máis de 400 os executados en Texas desde o reinicio desta práctica. A aplicación da pena de morte nos Estados Unidos suspendeuse durante varios anos gracias a sentencias do Tribunal Supremo, pero esa moratoria rematou no 1976. A suma para o conxunto dos Estados Unidos xa supera os 1 090 executados.
A segunda, un pouco máis esperanzadora, di que o gobernador de Texas conmutou unha pena de morte por primeira vez nos oito anos que leva no cargo. Foi no caso de Kenneth Foster, quen, segundo parece, so axudara a fuxir a un asasino, e recibiu a mesma pena que el.
Explícano sucintamente nesta nota do DPIC: “Texas Governor Grants Rare Death Penalty Commutation”. E algo máis extensamente nestoutra de Associated Press recollida pola NCADP: “Perry spares inmate set to die”.
Enlaces relacionados:
