Philip Scott Johnson: “Visages d’Art” (hundreds of years of faces in Art)
Philip Scott Johnson xa nos regalara os sentidos con varios vídeos, e dous deles fixéronse moi populares, entre outras cousas polo uso do morphing para pasar dunha imaxe á seguinte: “Women in Film” (visto un millón e medio de veces) e, sobre todo, “Women in Art: 500 Years of Female Portraits in Western Art”, que xa viron sete millóns de veces.
Hoxe vin un novo traballo no canal en YouTube de Philip Scott Johnson, baixo o título “Visages d’Art: hundreds of years of faces in Art”:
A música de fondo é, igual que nos dous vídeos que mencionei ó principio, de Johann Sebastian Bach. Neste caso é o preludio en “re menor” (BWV 851) do primeiro libro do “Cravo ben temperado”, interpretado ó piano por Daniel-Ben Pienaar.
Podemos escoita-la interpretación completa que fixo Daniel-Ben Pienaar do “Cravo ben temperado” aquí:
Podemos ver partituras para seguir estas obras na páxina “Great Bach” de Kim Eun Ho, na copia da Bach-Gesellschaft Ausgabe que teñen en einam.com e espero que axiña no International Music Score Library Project (IMSLP), temporalmente cerrado polas ameazas de Universal Edition (que pretende rete-los direitos de autores que levan cen anos mortos).
Thank you all for sharing culture!
Non hai comentarios »
Aínda non hai comentarios.
Deixa un comentario
About (presentación)
Nota: varios vídeos que incluín neste blog, entre eles gravacións históricas de ópera, xa non están en YouTube. Se a causa foi algunha denuncia, opino que é un abuso claro do copyright. Pero, por desgracia para os melómanos e para a difusión da cultura, YouTube é un negocio e son libres para quitalos do seu servizo haxa denuncias ou non…
Para saber máis sobre min, podes visita-la páxina persoal de César Salgado García (que son eu). Este blog empeceino a finais do 2006 para un grupo de alumnos (eran “cuarto B”, de aí o nome que tivo nun principio), pero o proxecto non callou e acabou sendo o meu blog persoal. Recomendo usa-lo navegador Mozilla Firefox. Se queres escribirme, este é o meu e-mail: cesarsalgado@yahoo.com. Este son eu no 1997:
E esta é unha petición para un dominio galego (se os cataláns o conseguiron, nós tamén podemos):
