Amnistía Internacional publicou onte dous breves informes sobre as “comisións militares” que están a exercer funcións de tribunal para xulgar a varios detidos de Guantánamo. O proceso tivo irregularidades desde o principio: desaparicións forzadas, tortura e maltrato, detencións en réxime de incomunicación, sen cargos nin xuízo, e para culminar esta serie de atentados contra a lexislación internacional, “comisións militares” sen garantías usurpando o lugar dos tribunais de xustiza.
O primeiro informe leva por título “USA: Way of life, way of death. Capital charges referred against five former secret detainees” e fala do posible uso da pena de morte nas “comisións militares”.
O segundo informe leva por título “USA: Where is the accountability? Health concern as charges against Mohamed al-Qahtani dismissed” e fala dun detido que, a pesar da retirada dos cargos e do seu estado de saúde, foi enviado outra vez ó campo de Guantánamo.
