70 concellos levan anos sen paga-los billetes dos nenos saharauís

Coñezo a través de chuza! unha noticia aparecida no xornal electrónico Vieiros.

A noticia leva por título “Setenta concellos levan tres anos sen pagarlles o billete aos nenos saharauís”. Copio un extracto do seu contido:

Entre o 10 e o 12 de xullo aterrarán en Galiza as 846 crianzas saharauís que van pasar o verán nas casas de familias voluntarias de todo o país. O programa Vacacións en Paz, de ámbito estatal, está xestionado na nosa terra pola asociación Solidariedade Galega co Pobo Saharauí e conta coa colaboración de 180 concellos adscritos. O compromiso dos gobernos municipais consiste no pagamento dos billetes de avión dos cativos, mais este está a ser incumprido por case todos.

“Arredor de setenta concellos non pagaron o importe das pasaxes dende hai tres anos”, confesa o dende hai un mes novo delegado da República Árabe Saharauí Democrática (RASD) en Galiza, Ahmedu Mojtar. Este prefire non dar “polo momento” ningún nome, “porque algúns xa comezan a pagar” e con outros “estamos en negociacións”. [...]

Enlaces sobre o Sahara Occidental:

• Asociación de Familiares de Presos y Desaparecidos Saharauis (AFAPREDESA)
• Association de soutien à un référendum libre et régulier au Sahara Occidental (ARSO)
• Misión de las Naciones Unidas para la Organización del Referéndum en el Sahara Occidental (MINURSO)
• Sahara Presse Service