Microsoft publicou hoxe un parche para un grave burato de seguridade do Internet Explorer 7. Debemos instalar este parche, por exemplo a través do servizo Windows Update, se non queremos expoñernos a engrosa-lo número de computadores infectados, que xa se contan por millóns.
Coñecer estes problemas pode ser un incentivo para cambiar de navegador ou mesmo de sistema operativo (sendo conscientes de que ningún é invulnerable). Eu optei hai anos polo Mozilla Firefox, e esta é tamén a escolla de Mark Joseph Edwards, explicada no artigo “Microsoft patches IE, but Firefox is still safer” (Windows Secrets Newsletter, 17 – XII – 2008).
P. S. (18 – XII – 2008). Se fallase o Windows Update, os executables poden descargarse desde Microsoft Security Bulletin MS08-078 – Critical Security Update for Internet Explorer (KB 960714).
