Non che vota nin a familia (II)

Despois das eleccións municipais do 2007 escribín unha anotación titulada “Non che vota nin a familia” sobre as listas que obtiveran resultados ridículos nalgún concello. Centrárame daquela nas tres principais forzas políticas (PP, PSOE e BNG). Agora farei o mesmo coas municipais do 2011, seguindo os resultados provisorios (Ministerio del Interior). Non sei se algún caso puido deberse a que unha candidatura se retirou cando xa había “votos por correo” emitidos ao seu favor.

Listas do BNG:

• en Cervantes, 31 votos
• en Ourol, 30 votos
• en Pedrafita do Cebreiro, 10 votos
• en Rábade, 10 votos
• en Ribas de Sil, 10 votos
• en Ribeira de Piquín, 16 votos
• en Triacastela, 2 votos
• en Baltar, 12 votos
• no Bolo, 15 votos
• en Calvos de Randín, 23 votos
• en Carballeda de Valdeorras, 12 votos
• en Chandrexa de Queixa, 3 votos
• en Entrimo, 20 votos
• en Maside, 24 votos
• en Montederramo, 6 votos
• en Petín, 8 votos
• en Pontedeva, 1 voto
• en San Amaro, 18 votos
• na Teixeira, 10 votos
• na Veiga, 5 votos

Listas do PSOE:

• en Vilasantar, 3 votos
• nos Blancos, 6 votos
• na Bola, 21 votos
• en Vilar de Santos, 15 votos

Schubarth / Santamarina: “Cancioneiro popular galego” (“Ben falado!”)

Volve ao blog o programa “Ben falado!”, emitido pola TVG e dirixido por un ilustre investigador do Centro “Ramón Piñeiro” para a Investigación en Humanidades, o paremiólogo Xesús Ferro Ruibal. Agradezo ao canal en YouTube de galeguia e ao canal en YouTube de BreoganTS por poñeren á nosa disposición (a páxina web da TVG non é “amigable” para os usuarios de software libre) varios capítulos deste programa, moi útiles na escola.

Neste capítulo falan do Cancioneiro popular galego, recollido pola musicóloga Dorothé Schubarth e polo filólogo Antón Santamarina, e publicado en nove volumes pola Fundación “Pedro Barrié de la Maza”.

Monteverdi: “Sfogava con le stelle” (The Consort of Musicke, Anthony Rooley)

Xa trouxen a esta bitácora o precioso “Sfogava con le stelle”, composto por Claudio Monteverdi e publicado no seu cuarto libro de madrigais (1603). Foi nas seguintes anotacións:

• Luca della Robbia (música de fondo: “Sfogava con le stelle” de Monteverdi)
• Monteverdi: “Sfogava con le stelle” (high school choir)
• Monteverdi: “Sfogava con le stelle” (Coro de la Universidad Veracruzana, Gisela Crespo)

Aquí os intérpretes son The Consort of Musicke, dirixidos por Anthony Rooley:

O texto é dun dos primeiros libretistas de ópera, Ottavio Rinuccini:

Sfogava con le stelle
un infermo d’amore
sotto notturno cielo il suo dolore.
E dicea fisso in loro:
«O imagini belle
de l’idol mio ch’adoro,
sì com’a me mostrate
mentre così splendete
la sua rara beltate,
così mostraste a lei
i vivi ardori miei:
la fareste col vostr’aureo sembiante
pietosa sì come me fate amante».