HRW press release on Libya and the United States

Human Rights Watch publicou hoxe unha nota de prensa sobre Libia e a súa relación cos Estados Unidos, centrada nas sistemáticas violacións dos Direitos Humanos que teñen lugar en Libia, algunhas delas inflixidas a presos que foron transferidos desde Guantánamo polas autoridades estadounidenses.

A nota de prensa leva por título “Libya: Serious Abuses Persist. Rice Meets Libyan Foreign Minister Today” e vén acompañada por un breve informe, resumo das principais eivas de Libia en materia de Direitos Humanos (ausencia de liberdades civís; presos políticos; detención sen cargos, incomunicada e sen acceso a avogados; torturas e maltrato a detidos; “desaparecidos”; pena de morte, mesmo por delictos políticos): “Libya: Rights at Risk”.

Eric Faden: “A Fair(y) Use Tale” (subtítulos en español)

Gracias á bitácora colectiva feita arredor da biblioteca do IES “As Mariñas” de Betanzos “A Nosa Biblioteca” coñezo un vídeo elaborado no ámbito universitario dos Estados Unidos sobre o “fair use” dos materiais protexidos por “direitos de autor”.

“A Fair(y) Use Tale” é unha parodia que usa fragmentos de películas de Disney para explicar conceptos arredor do “copyright”, o “dominio público”… Dirixiuna o profesor Eric Faden (Bucknell University) para a Media Education Foundation coa colaboración, entre outros, de Lawrence Lessig e do Stanford Center for Internet and Society’s “Fair Use Project”.

Hai unha versión con subtítulos en varios idiomas en dotSUB. Así queda en YouTube a versión cos subtítulos en español, feita o pasado verán polo “blogfesor” colombiano Mario Nel Villamizar Ochoa:

E aquí está a orixinal:

• Streaming or download (mp4): http://cyberlaw.stanford.edu/documentary-film-program/film/a-fair-y-use-tale
• YouTube: http://www.youtube.com/watch?v=CJn_jC4FNDo