Blog de César Salgado

Os papeis terman do que lles poñen, e internet nin che conto…

Méndez Ferrín, presidente da Real Academia Galega

O escritor Xosé Luís Méndez Ferrín é desde hoxe presidente da Real Academia Galega. A nova en Xornal de Galicia:

O escritor Xosé Luís Méndez Ferrín xa preside a Real Academia Galega

O novo presidente da RAG apostou por unha “xestión continuista” á fronte desta institución.

Os membros da Real Academia Galega (RAG) elixiron hoxe a Xosé Luis Méndez Ferrín como novo presidente da institución, nun plenario no que o escritor ourensano resultou elixido por maioría absoluta. Ferrín substitúe no cargo a Xosé Ramón Barreiro Fernández, quen deixou esta responsabilidade o pasado 18 de decembro tras oito anos á fronte da presidencia.

A candidatura de Xosé Luis Méndez Ferrín foi a única presentada para optar á presidencia da RAG. No plenario celebrado hoxe na súa sede da Coruña, 20 dos 23 académicos avalaron esta candidatura. Os outros tres votaron en branco.

Xunto a Ferrín, conformarán a executiva Xosé Luís Axeitos Agrelo, que ata agora ocupaba o cargo de arquiveiro-bibliotecario e que pasa a secretario, mentres que Manuel González González, que ostentaba esta responsabilidade, asumirá a tesouraría. Con Ferrín, incorpóranse á executiva Francisco Fernández Rei, novo vicesecretario, e Euloxio Rodríguez Ruibal, novo arquiveiro. Tras a súa elección, o novo presidente da RAG apostou por unha “xestión continuista” á fronte desta institución e por “reactivar” os seus traballos no ámbito da gramática e a lexicografía.

23 Xaneiro 2010 - Posted by | Education, Galicia, Language, Literature

Aínda non hai comentarios.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s