Blog de César Salgado

Os papeis terman do que lles poñen, e internet nin che conto…

Bailabén: manual de aprendizaxe do baile tradicional galego

Hai dous meses falei neste blog de “Así fan os bailadores…” (Dos Acordes, Baiona, 2009; ISBN: 978-84-936618-4-7).

Pois hoxe acabo de coñecer, a través da Asociación de Gaiteiros Galegos, outro libro acompañado dun DVD didáctico sobre as nosas danzas folclóricas. Leva por título “Bailabén: manual de aprendizaxe do baile tradicional galego” (publicado por Edicións do Cumio; ISBN: 978-84-8289-316-7). Copio un extracto da súa presentación:

Con este manual pretendemos achegar material didáctico ao eido do baile tradicional, ou polo menos dar un primeiro paso nese camiño. É a nosa intención proporcionarlles aos mestres de primaria e secundaria unha ferramenta de axuda nas súas aulas. Así poderán dar a coñecer unha parte moi importante do noso patrimonio inmaterial. Diríxese tamén a todos aqueles afeccionados e ensinantes do baile tradicional que queiran seguir a nosa liña sinxela e didáctica.

Neste libro e no DVD que o acompaña atoparedes indicacións e descricións dos movementos de xota e muiñeira reforzadas con fotografías, así como un documento audiovisual de máis dunha hora de duración.

Os autores, Edith Cotilla Quintela e Gustavo Couto Rodríguez, son mestres de baile tradicional e membros do Obradoiro de Cultura Tradicional “Ultreia” de Santiago.

26 Febreiro 2010 - Posted by | Dance, Education, Folklore, Galicia, Music

Aínda non hai comentarios.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s